சற்று முன்
Home / செய்திகள் / 50 ரூபா கைவிசேடக் காசுக்காய் சண்டையிட்ட முன்னாள் முதல்வர் – சபையில் சிரிப்பொலி

50 ரூபா கைவிசேடக் காசுக்காய் சண்டையிட்ட முன்னாள் முதல்வர் – சபையில் சிரிப்பொலி

யாழ்.மாநகர சபையில் உறுப்பினர்களுக்கு வழங்கப்பட்ட கைவிசேட காசுக்காக ஈ.பி.டி.பி உறுப்பினர் ஒருவர் சண்டையிட்டுக் கொண்டமை சபை அமர்வின் நகைப்புக்கிடமான சம்பவமாக மாறியிருந்தது.

புதுவருட தினத்தை முன்னிட்டு மாநகர சபையின் ஒவ்வொரு உறுப்பினர்களுக்கும் தலா 50 ரூபா பணம் கைவிசேடமாக வழங்கப்பட்டிருந்தது.

அதனை இன்று (07) செவ்வாக்கிழமை காலை நடைபெற்ற மாநகர சபையின் மாதாந்த அமர்வின் போது கேள்விக்குள்ளாக்கிய முன்னாள் முதல்வரும், இன்னாள் சபை உறுப்பினருமான ஈபிடிபியைச் சேர்ந்த திருமதி யோகேஸ்வரி பற்குணராஜா இவ்வாறு வழங்கப்பட்ட கைவிசேட பணம் சபையின் நிதிக்குழுவின் அங்கிகாரத்துடன் வழங்கப்படவில்லை என்றும், மாநகர சபை நிர்வாகம் தன்னிச்சையாக முடிவெடுத்து கைவிசேடம் வழங்கியுள்ளது என்று குறை கூறியிருந்தார்.

குறித்த உறுப்பினர் அக் குற்றச்சாட்டு முன்வைக்கப்பட்ட போது சபையில் இருந்த எனைய உறுப்பினர்கள் சிரித்து ஆரவாரப்பட்டனர்.

இதன் போது கருத்து வெளியிட்ட முதல்வர் இமானுவேல் ஆனோல்ட் பாரம்பரிய முறையினை பின்பற்றுவதற்காக சபை உறுப்பினர்களுக்கு தலா 50 ரூபா கைவிசேடமாக வழங்கப்பட்டது. இதற்கான மொத்தம் ஆயிரத்து 500 ரூபா செலவிடப்பட்டது என்றார்.

இதற்கான நிதி குழுவின் அங்கிகாரத்தினை கோருவது பொருத்தமானதாக இருக்காது என்றும் முதல்வர் மேலும் தெரிவித்தார். முதல்வரின் கருத்தினை சபை உறுப்பினர்களும் ஏற்றுக் கொண்டதால் ஈ.பி.டி.பி உறுப்பினரால் முன்வைக்கப்பட்ட குற்றச்சாட்டு சபையின் விவாதத்திற்கு எடுத்துக் கொள்ளப்படாமல் பிசுபிசுத்துப் போனது.

About Jaseek

Leave a Reply

Your email address will not be published. Required fields are marked *

*

x

Check Also

கஜேந்திரன் எம்.பிக்கு பிணை !

யாழ்ப்பாணம் நல்லூரில் கைது செய்யப்பட்ட தமிழ்த் தேசிய மக்கள் முன்னணி நாடாளுமன்ற உறுப்பினர் செல்வராசா கஜேந்திரன் ...

Social Media Auto Publish Powered By : XYZScripts.com