මහරගමින් පොහොට්ටුව විසිවෙයි

මහරගම නගර සභාව සඳහා පොදු ජන පෙරමුණ ඉදිරිපත් කළ නාමයෝජනා පත්‍රය ප්‍රතික්ෂේප විමට එරෙහි පෙත්සම විභාගයට නොගෙන ප්‍රතික්ෂේප කිරීමට ශ්‍රේෂ්ඨාධිකරණය තීරණය කර තිබේ.

ඒ පිළිබඳ අගවිනිසුරු ප්‍රියසාද් ඩෙප්, බුවනෙක අලුවිහාරේ, සහ නලීන් පෙරේරා යන ත්‍රිපුද්ගල විනිසුරු මඩුල්ල විසින් මෙම තින්දුව ලබාදී ඇත.

මහරගම නගර සභාව සඳහා පොදුජන පෙරමුණෙන් තරඟවැදිම නියමිතව සිටි අපේක්ෂකයන් 6 ක් විසින් මෙම පෙත්සම ඉදිරිපත් කර තිබිණි.

පෙත්සම්කරුවන් සඳහන් කර සිටියේ තම නාමයෝජනා ලැයිතුවේ අන්තර්ගත ඉනෝකා රණවීර නම් අපේක්ෂිකාවගේ නම ඉදිරියෙන් පිරිමි යනුවෙන් සඳහන්වීම හේතුවෙන් එය ප්‍රතික්ෂේප කිරීමට තේරීම්බාර නිලධාරීනිය කටයුතු කර ඇති බවයි.

පෙත්සම්කාර පාර්ශවයේ සහ වගඋත්තරකාර පාර්ශවයේ කරුණු දැක්වීම ඊයේ (18) දිනයේ අවසන් කෙරිණි.

 

 

 

Leave a Reply

Your email address will not be published. Required fields are marked *

*

vakeesam Like Page close[x]
Or wait 30 seconds
Social Media Auto Publish Powered By : XYZScripts.com