சற்று முன்
Home / செய்திகள் / லிபியாவில் 118 பயணிகளுடன் விமானம் கடத்தப்பட்டுள்ளது – சில பயணிகள் விடுவிக்கப்பட்டதாக தகவல்

லிபியாவில் 118 பயணிகளுடன் விமானம் கடத்தப்பட்டுள்ளது – சில பயணிகள் விடுவிக்கப்பட்டதாக தகவல்

லிபியா பயணிகள் விமானம் 118 பேருடன் கடத்தப்பட்டுள்ளதாகவும், மால்டாவில் கட்டாயமாகத் தரையிறக்கப்பட்டிருப்பதாகவும் விமானப் போக்குவரத்து நிறுவனமான ஆஃப்ரிகியா ஏர்வேஸ் தெரிவித்துள்ளது.

தற்போது மால்டா விான நிலையத்தில் நிறுத்தப்பட்டிருக்கும் நிலையில் சில பயணிகள் வெளியேற அனுமதிக்கப்பட்டுள்ளனர். ஆனால், எத்தனை கடத்தல்காரர்கள் உள்ளனர் என்பது தெளிவாகத் தெரியவில்லை.
மால்டா அதிகாரிகள் விமானி அறைக்குத் தொடர்பு கொண்டு பேசியபோது, சில கோரிக்கைகள் நிறைவேற்றப்பட்டால், பயணிகள் வெளியேற அனுமதிக்கப்படுவார்கள் என்று தெரிவிக்கப்பட்டது.
ஆனால், அந்தக் கோரிக்கைகள் என்ன, அவை நிறைவேற்றப்பட்டதா என்ற விவரங்கள் இன்னும் வெளியாகவில்லை.
ஏர்பஸ் ஏ 320 விமானம், லிபியாவுக்குள் பறந்து கொண்டிருந்தது. ஆஃப்ரிகியா ஏர்வேஸ் விமான நிறுவனத்துக்குச் சொந்தமான விமானம், நடுவழியில் திசை மாற்றப்பட்டதாக உள்ளூர் ஊடகங்கள் தெரிவிக்கின்றன.
விமானத்தை குண்டு வைத்துத் தகர்த்து விடுவதாக மிரட்டி, இரண்டு கடத்தல்காரர்கள் அந்த விமானத்தைக் கடத்தியிருக்கலாம் என ஆரம்பகட்ட தகவல்கள் தெரிவிக்கின்றன.
பாதுகாப்பு நடவடிக்கைகள் தயார் நிலையில் வைக்கப்பட்டுள்ளதாக மால்டா பிரதமர் ஜோசப் மஸ்கட் தெரிவித்தார்.
விமான நிலையத்தில் சட்டவிரோத இடையூறு ஏற்பட்டிருப்பதாக மால்டா சர்வதேச விமான நிலையம், ட்விட்டரில் செய்தி வெளியிட்டுள்ளது.
அவசர கால படையினர் பணியில் ஈடுபடுத்தப்பட்டுள்ளதாகவும் தெரிவிக்கப்பட்டுள்ளது.
விமான நிலையத்தில் பெருமளவிலான சிறப்பு படையினரைக் காண முடிவதாக அங்குள்ள ராய்டர்ஸ் செய்தி முகமையின் புகைப்படைக் கலைஞர் டரின் ஜமிட் லுபி தெரிவித்துள்ளார்.
அதே நேரத்தில், விமானத்தில் உள்ளவர்களுடன் இதுவரை எந்தத் தொடர்பும் ஏற்படுத்தப்படவில்லை என்று கூறப்படுகிறது.
மால்டாவுக்கான சில விமானங்கள் இத்தாலியத் தீவான சிசிலிக்குத் திருப்பிவிடப்பட்டுள்ளன.

About Jaseek

Leave a Reply

Your email address will not be published. Required fields are marked *

*

x

Check Also

நந்திக்கடலில் மலர்தூவி அஞ்சலி

மாவீரர்நாள் 2021 நந்திக்கடலில் மலர்தூவி அஞ்சலி செலுத்தினார் முன்னாள் வடமாகாண சபை உறுப்பினர் துரைராசா ரவிகரன்

Social Media Auto Publish Powered By : XYZScripts.com