சற்று முன்
Home / செய்திகள் / மணல் கடத்தலில் ஈடுபட்ட இருவருக்கு ஒரு இலட்சத்து ஆறாயிரம் ரூபா தண்டம்

மணல் கடத்தலில் ஈடுபட்ட இருவருக்கு ஒரு இலட்சத்து ஆறாயிரம் ரூபா தண்டம்

போலியான அனுமதிப் பத்திரத்தை தயாரித்து மணல் கடத்தலில் ஈடுபட்டனர் என்ற குற்றச்சாட்டில் கைது செய்யப்பட்ட இருவருக்கு ஒரு இலட்சத்து ஆறாயிரம் ரூபா தண்டம் விதித்து யாழ்ப்பாணம் நீதிவான் நீதிமன்றம் இன்று (10) வியாழக்கிழமை உத்தரவிட்டது.

கோப்பாய் பொலிஸ் பிரிவுக்குட்பட்ட பகுதியில் கோப்பாய் பொலிஸ் நிலைய பொறுப்பதிகாரி கஹந்தவல தலைமையிலான பொலிஸ் உத்தியோகத்தர்கள் அண்மையில் சுற்றுக்காவல் கடமையில் ஈடுபட்டிருந்தனர்.

அதன்போது மணல் ஏற்றி வந்த வாகனமொன்று பரிசோதிக்கப்பட்டது. அச்சமயம் வாகனத்தின் சாரதியால் மணல் கொண்டு செல்வதற்கான அனுமதிப்பத்திரம் உள்ளதாக தெரிவித்து அனுமதிப்பத்திரமொன்று முற்படுத்தப்பட்டது.

எனினும் பொலிஸாரின் விசாரணையின் போது அந்த அனுமதிப்பத்திரம் போலியானது என தெரியவந்தது. அதனைத் தொடர்ந்து மணல் கொண்டு வரப்பட்ட வாகனமும் வாகனத்தின் சாரதி மற்றும் ஒருவரும் கைது செய்யப்பட்டனர்.

சந்தேகநபர்கள் யாழ்ப்பாணம் நீதிமன்றில் முற்படுத்தப்பட்டனர். அவர்களை பிணையில் விடுவித்த நீதிமன்றம், வழக்கு விசாரணையை இன்றுவரை ஒத்திவைத்தது.

அவர்களுக்கெதிரான வழக்கு இன்று விசாரணைக்கு எடுக்கப்பட்டது.

அதன்போது சந்தேகநபர்கள் இருவரும் தமக்கெதிரான குற்றச்சாட்டை ஏற்றுக் கொள்வதாக தமது சட்டத்தரணியூடாக மன்றுக்கு தெரிவித்தனர்.

அவர்கள் ஒவ்வொருவரையும் 53 ஆயிரம் ரூபாவை தண்டமாக செலுத்துமாறும் மணலை பறிமுதல் செய்யுமாறும் நீதிவான் சி.சதீஸ்தரன் உத்தரவிட்டார்.

About Jaseek

Leave a Reply

Your email address will not be published. Required fields are marked *

*

x

Check Also

கஜேந்திரன் எம்.பிக்கு பிணை !

யாழ்ப்பாணம் நல்லூரில் கைது செய்யப்பட்ட தமிழ்த் தேசிய மக்கள் முன்னணி நாடாளுமன்ற உறுப்பினர் செல்வராசா கஜேந்திரன் ...

Social Media Auto Publish Powered By : XYZScripts.com