சற்று முன்
Home / செய்திகள் / புத்தளத்திலுள்ள 90 முன்பள்ளிகளுக்கான கொடுப்பனவை உடன் நிறுத்த கல்வி அமைச்சு உத்தரவு

புத்தளத்திலுள்ள 90 முன்பள்ளிகளுக்கான கொடுப்பனவை உடன் நிறுத்த கல்வி அமைச்சு உத்தரவு

புத்தளம் மாவட்டத்தில் இயங்கும் முன்பள்ளிகளில் கற்பிக்கும் 90 ஆயிரியர்களிற்கு வழங்கும் வடக்கு மாகாண சபையின் சம்பளத்தினை உடனடியாக நிறுத்துமாறு மன்னார் வலயக் கல்விப் பணிப்பாளரிற்கு வடக்கு மாகாண கல்வி அமைச்சின் செயலாளர் எஸ்.சத்தியசீலன் எழுத்தில் உத்தரவிட்டுள்ளார்.

வடக்கு மாகாணத்தின் முன்பள்ளி நியதிச் சட்டத்தின் கீழ் வடக்கு மாகாணத்தில் இயங்கும் முன்பள்ளி ஆசிரியர்களிற்கு தற்போது தலா 6 ஆயிரம் ரூபா மாதாந்தம் கொடுப்பனவு வழங்கப்படுகின்றது. இவ்வாறு வழங்கப்படும் கொடுப்பனவில் புத்தளத்தில் இயங்கும் 68 முன்பள்ளிகளில் கற்பிக்கும் 90 ஆயிரியர்களிற்கும் குறித்த கொடுப்பனவு வழங்கப்படுவது தொடர்பில் அண்மையில் செய்தி வெளியிடப்பட்டது.

குறித்த செய்தியின் பிரகாரம் வடக்கு மாகாண கல்வி அமைச்சின் செயலாளரை அழைத்த ஆளுநர் புத்தளத்திற்குச் செல்லும் வடக்கு மாகாண சபையின் நிதிகளை உடன்நிறுத்துமாறு உத்தரவிட்டிருந்தார். இதன் அடிப்படையில் புத்தளத்தில் இயங்கும் முன்பள்ளிகளிற்குச் செல்லும் நிதிகளை உடன் திறுத்துமாறு கடந்த 2018-05-23ம் திகதிய கடிதம்மூலம் வடக்கு மாகாண கல்வி அமைச்சின் செயலாளரினால் மன்னார் வலயக் கல்விப் பணிப்பாளரிற்கு எழுத்து மூலம் அறிவிக்கப்பட்டுள்ளது.

இதன் பிரகாரம் புத்தளத்திற்குச் சென்ற 90 ஆசிரியர்களிற்குமான கொடுப்பனவு மே மாதம் முதல் நிறுத்தப்படும் என மன்னார் வலயக் கல்விப் பணிப்பாளர் தெரிவித்தார்.

இதேநேரம் புத்தளத்தில்இயங்கும் 6 பாடசாலைகளில் கற்பிக்கும் 142 ஆசிரியர்களிற்கான சம்பளம் தொடரில் குறித்த அறிவுறுத்தல்களில் ஏதும் குறிப்பிடப்படவில்லை.

About Jaseek

Leave a Reply

Your email address will not be published. Required fields are marked *

*

x

Check Also

எழுச்சிப் பாடகர் வர்ண ராமேஸ்வரன் அவர்கள் சாவடைந்தார்

நெஞ்சை உருக்கும் மாவீரர் நாள் பாடலான ‘மொழியாகி எங்கள் மூச்சாகி நாளை முடிசூடும் தமிழ்மீது உறுதி’ ...

Social Media Auto Publish Powered By : XYZScripts.com