சற்று முன்
Home / செய்திகள் / நாட்டில் குற்றங்கள் அதிகரித்துவிட்டது – பொலிஸ்மா அதிபர் கோமாளித்தனமாக செயற்படுகிறார் – சீறிப் பாய்ந்த மைத்திரி

நாட்டில் குற்றங்கள் அதிகரித்துவிட்டது – பொலிஸ்மா அதிபர் கோமாளித்தனமாக செயற்படுகிறார் – சீறிப் பாய்ந்த மைத்திரி

நாட்டில் குற்றங்கள் அதிகரித்து விட்டதாகவும், பொலிஸார் தமது கடமையை சரியாக நிறைவேற்றத் தவறி விட்டதாகவும், ஜனாதிபதி மைத்திரிபால சிறிசேன குற்றம்சாட்டியுள்ளார்.

நேற்று நடந்த அமைச்சரவைக் கூட்டத்திலேயே அவர் இந்தக் குற்றச்சாட்டை முன்வைத்துள்ளார்.

“ஒரு குற்றத்துக்கு எதிராக நடவடிக்கை எடுக்கத் தவறும் போதும் மேலும் பல குற்றங்கள் நடக்கின்றன. அதனால் அவசியமான நடவடிக்கையை அவசரமாக எடுக்க வேண்டியுள்ளது.

பொலிஸாரின் நடவடிக்கையினால் மக்கள் நம்பிக்கை இழந்து விட்டார்கள். பொலிஸ் மா அதிபர் கோமாளித்தனமாகச் செயற்படுகிறார்.

உயர் பொலிஸ் அதிகாரிகளின் செயற்பாடுகள், அரசாங்கத்துக்கு சங்கடத்தை ஏற்படுத்துகிறது.” என்றும் ஜனாதிபதி தெரிவித்துள்ளார்.

அமைச்சரவைக் கூட்டத்தில் ஜனாதிபதி மைத்திரி இந்தக் குற்றச்சாட்டுகளை முன்வைத்த போது, பிரதமரோ, சட்டம், ஒழுங்கு அமைச்சரோ எந்தப் பதிலையும் அளிக்கவில்லை என்றும் கூறப்படுகிறது.

About Jaseek

Leave a Reply

Your email address will not be published. Required fields are marked *

*

x

Check Also

கஜேந்திரன் எம்.பிக்கு பிணை !

யாழ்ப்பாணம் நல்லூரில் கைது செய்யப்பட்ட தமிழ்த் தேசிய மக்கள் முன்னணி நாடாளுமன்ற உறுப்பினர் செல்வராசா கஜேந்திரன் ...

Social Media Auto Publish Powered By : XYZScripts.com