சற்று முன்
Home / செய்திகள் / சம்பந்தனுக்குக் கிடைத்த வெகுமதி – சலுகைகளைத் தொடர்ந்து வழங்கவும் அமைச்சரவை தீர்மானம்

சம்பந்தனுக்குக் கிடைத்த வெகுமதி – சலுகைகளைத் தொடர்ந்து வழங்கவும் அமைச்சரவை தீர்மானம்

தமிழ்த் தேசியக் கூட்டமைப்பின் தலைவரும் நாடாளுமன்ற உறுப்பினருமான இரா.சம்பந்தன், எதிர்க்கட்சித் தலைவராகப் பதவி வகித்த போது வழங்கப்பட்ட எதிர்க்கட்சித் தலைவரின் உத்தியோகபூர்வ இல்லத்தில் தொடர்ந்தும் தங்கியிருக்க அமைச்சரவை ஒப்புதல் வழங்கியுள்ளது.

தமிழ்த் தேசியக் கூட்டமைப்பின் தலைவரும் நாடாளுமன்ற உறுப்பினருமான இரா.சம்பந்தன், எதிர்க்கட்சித் தலைவராகப் பதவி வகித்த போது, 2017ஆம் ஆண்டு பொதுநிர்வாக உள்நாட்டலுவல்கள் அமைச்சின் ஊடாக இந்த வீடு வழங்கப்பட்டது.

எனினும் முன்னாள் ஜனாதிபதி மகிந்த ராஜபக்ச, 2019ஆம் ஆண்டு ஜனவரி மாதம் எதிர்க்கட்சித் தலைவராக நியமிக்கப்பட்ட போதும், அவர் தனது முன்னாள் ஜனாதிபதிக்கான உத்தியோகபூர்வ இல்லத்திலேயே தங்கியிருந்தார்.
இந்த நிலையில் ஜனாதிபதி கோத்தாபய ராஜபக்ச பதவியேற்று புதிய அரசு ஆட்சிக்கு வந்த பின்னர் முன்னாள் அமைச்சர்களின் உத்தியோகபூர்வ இல்லங்கள் மீளப்பெறப்பட்டன.

அதனால் முன்னாள் எதிர்க்கட்சித் தலைவர் இரா.சம்பந்தன் தங்கியிருக்கும் கொழும்பு – மஹாகமசேகர மாவத்தாவில் உள்ள எதிர்க்கட்சித் தலைவருக்கான உத்தியோகபூர்வ இல்லம் தொடர்பில் பொதுநிர்வாக உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சர் ஜனக பண்டார தென்னக்கோன் இன்றைய அமைச்சரவைக்கு பத்திரம் ஒன்றை முன்வைத்தார்.

நாடாளுமன்றக் கட்சிகளின் தலைவர்களில் ஒருவர் மற்றும் அவரின் வயதை கருத்திற்கொண்டு எதிர்க்கட்சித் தலைவரின் உத்தியோகபூர்வ இல்லத்தில் நாடாளுமன்ற உறுப்பினர் இரா.சம்பந்தன் தங்கியிருக்க அனுமதியளிப்பது என அமைச்சரவை ஒப்புதல் வழங்கியது.

மேலும் அவருக்கு தற்போது வழங்கப்படும் சலுகைகளையும் மாற்றமின்றி வழங்குவது என அமைச்சரவை தீர்மானித்துள்ளது.

இதேவேளை, முன்னாள் எதிர்க்கட்சித் தலைவர் இரா.சம்பந்தன் கொழும்பு – மஹாகமசேகர மாவத்தாவில் உள்ள எதிர்க்கட்சித் தலைவரின் உத்தியோகபூர்வ இல்லத்தை தமிழ் தேசிய கூட்டமைப்பின் தலைவராக இருக்கும் வரை பயன்படுத்த அனுமதிப்பதற்கு முந்தைய அரசு அனுமதி வழங்கியது என தற்போதைய அரசு குற்றச்சாட்டை முன்வைத்திருந்தமை குறிப்பிடத்தக்கது.

About Jaseek

Leave a Reply

Your email address will not be published. Required fields are marked *

*

x

Check Also

கஜேந்திரன் எம்.பிக்கு பிணை !

யாழ்ப்பாணம் நல்லூரில் கைது செய்யப்பட்ட தமிழ்த் தேசிய மக்கள் முன்னணி நாடாளுமன்ற உறுப்பினர் செல்வராசா கஜேந்திரன் ...

Social Media Auto Publish Powered By : XYZScripts.com