காணாமல் போனோர் அலுவலகத்தால் பயனில்லை!- சுமந்திரன்

காணாமல் போனோர் அலுவலகத்தால் முற்றுமுழுதான தீர்வைப் பெற்றுக் கொடுக்க முடியாது என தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ. சுமந்திரன் தெரிவித்துள்ளார்.

காணாமல் போனோர் தொடர்பான அலுவலகம் குறித்து கருத்து தெரிவிக்கும் போதே அவர் மேற்கண்டவாறு குறிப்பிட்டுள்ளார்.

இது தொடர்பாக மேலும் தெரிவிக்கையில், “காணாமல் போனோர் அலுவலகத்தால் வழக்குத் தாக்கல் செய்ய முடியாது. ஆனால் பலவந்தமாகக் காணாமல் ஆக்கப்படுதலை குற்றமாக்கும் சட்ட வரைவு நிறைவேற்றப்பட்டால், அதன் பின்பு காணாமல் ஆக்கப்படுதல் இலங்கையில் குற்றமாகும்.

காணாமல் போனோர் அலுவலகத்தால் மேற்கொள்ளப்படும் விசாரணைகளில் கடத்தியவர் யார்? என்பது கண்டறியப்பட்டால், அரசாங்கம் சட்டமா அதிபர் அவர்களுக்கு எதிராக பலவந்தமாகக் காணாமல் ஆக்கப்படுதல் குற்றமாகும் சட்டத்தின் கீழ் வழக்குத் தாக்கல் செய்வார்.

ஏனைய பல நாடுகளில் காணாமல் ஆக்கப்பட்டோர் விடயத்துக்கு என்ன நடவடிக்கை மேற்கொள்ளப்பட்டது என்பதை அடிப்படையாக வைத்தே எமது நாட்டில் இந்த அலுவலகம் அமைக்கப்பட்டுள்ளது.

காணாமல்போனோர் அலுவலகத்தால் முற்றுமுழுதான தீர்வைப் பெற்றுக் கொடுக்க முடியும் என்று சொல்ல முடியாது” என தெரிவித்துள்ளார்.

Leave a Reply

Your email address will not be published. Required fields are marked *

*

vakeesam Like Page close[x]
Or wait 30 seconds
Social Media Auto Publish Powered By : XYZScripts.com